هاااام جدا لكل الاعضاء > مواقع رفع الملفات على أكثر من سيرفر مع الشرح بالصور ( اضغط على الرابط التالى ) https://4eng.yoo7.com/montada-f35/topic-t566.htm#2237

كلنا عارفين المقولة دى " المساواة فى الظلم عدل " ويمكن بعضنا بيعتبرها حكمة . بس هل فعلاً المساواة ف الظلم عدل ؟؟ بمعنى انى لو ظلمت انسان وظلمت انسان تانى يبقى أنا كداااااا عادل؟؟!! ..يا ريت أعرف آرائكم ف الموضوع ده

اانا شايف ان المقصود من الحكمه او القول دا ان لو امامك 2 مظلومين فلازم تساوى بينهم حتى لو كان ظلم لهم فى الحاله دى يبقى مساوتهم فى الظلم عدل ........صح ولا اانا غلطان لو فى غلط يارت حد يصححلى

حسب طبيعة الموضوع والمشكلة ولست قانون

طبعا حسب طبيعة الموضوع زى ما قال الباشمهندس بس انا شايفة ان ف الأول و ف الآخر ده ظلم بمعنى انى ظلمت انسان وظلمت انسان تانى انا كدا ظالم بس ممكن نقول انها عدل ف حاجة واحدة وهى شعورهم بالظلم بمعنى ان الاتنين حيحسوا بالظلم مش هظلم حد على حساب التانى بس ف الأول وف الآخر أنا ظالم

هو موضوع محير فعلا بس انا ظلمت شخص مثلا بدل ما ارد المظلمه اظلم واحد تانى...مش مقتنعه بالمقوله دى

لا مش كداا
انا شايفه ان معناها انى لو قدامى اتنين اشخاص

اذا ظلمت واحد لازم اظلم التانى عشان اكون عدلت بينهم
لكن لو ظلمت واحد والتانى اديته حقه اكون مش عادله دا لو اعتبرنا ان الظلم حاجه كويسه

لكن لكن انا شايفه ان الشخص الظالم عمره ميكون عادل حتى فى الظلم هيفضل يظلم وعمره ميعدل ابداا
وربنا يصلح الاحوال للجميع

على فكرة تفسيرك مظبوط بردة يا نور