انا عندي مشكله ان لما حد بيزعلني ولو زعل صغير اوي بيكبر جوايا وبيبقي جوايا عامل زي الجرح الكبير رغم ان ساعات الموضوع بيبقي هايف ومش محتاج كل اللي انا بعمله
لو سمحت انا عايزه كل واحد وواحده يقولي رأيه وبصراحه وايه الحل لأني بصراحه بدأت أكره الحياه بسبب الحكايه دي

شكرا علي التفكير في حل
وان شاء الله يطلع حل مناسب

علي فكره انا متشكره ليكم جميعا واتمني ان احنا نفضل اصحاب لان اجمل حاجه في الدنيا ان الانسان يبقي ليه اصحاب يشاركم ويشاركو
وعلي فكره انا كمان حياتي كانت اكتريتها الوحده بس بعدها بدأت احس ان الناس والاصدقاء والدنيا اجمل حاجه في الدنيا

انا عجبانى الفكرة دى جداااا وانا كان عندى مشكلة ف التعامل مع الناس بمعنى انى كنت منطوية شوية او بتعامل مع غيرى بحدود بس مش اى حدود الموضوع ده كان مخلينى علطول مش مبسوطة كنت بحس انى وحيدة عارفين لما تتعملوا مع الناس لدرجة الخوف اوقات كنت بخاف اتكلم لمجرد انى ملقيش الرد اللى انا كنت منتظراه بس لما قررت اتخلص من انطوائى ده فعلا قدرت وبقيت اجتماعية عن الاول بتعامل مع الناس بطريقة جميلة وانا لحظت انى بقيت مبسوطة وكمان اصحابى لاحظوا ده وفعلا صارحونى بانى اتغيرت وهما مبسوطين لده مش عارفة انا قلت كدا ليه بس بجد الموضوع جميل جدااااااا وانا رأيى ان لو الانسان عايز يتغير لازم ينوى و يقرر جواه انه لازم يتغير

انا اللى متشكرة على الفكرة دى بجد فكرتك اصلا حلوة كفاية انك خليتنا نفكر ونتكلم عن اى حاجة كانت او مازالت مضايقانا