بصراحه موضوع جميل يادودو بس للاسف صعب اوي
بيني وبينك اجمل حاجه في الدنيا هي الدنيا
وانتي كمان بتقولي صداقه العمر
اسمعي يا ستي رأيي انا رأيي انها لو صديقه عمري فعلا ولو عملت حاجه وحشه ونصحتها ومسمعتش كلامي يبقي لازم اسيبها
انا مثلا صادقت انسانه في الكليه لسه من كام شهر بس بموت فيها لما حسيت انها هتعمل حاجه غلط قولتلها لو كملتي الغلط ده انسيني والحمد لله اختارتني انا وسابت الغلط
يعني من كلامي يادودو ان لصديق هو انت

علي فكره يا جماعه اراكم اقرب للصح بكتير
بس انا اصدي تخيلوا موقف
ايه الي ممكن يخليك تسيب صداقه العمر
؟؟؟؟؟؟؟؟؟؟؟؟؟؟؟؟؟؟؟؟؟؟؟

من وجهة نظرى مفيش حاجه فى الدنيا تخليك تسيب صديق العمرلان الصداقه امانة يجب الحفاظ عليها من
الضياع وفى اوقات كثيرة بيكون الصديق اقرب اليك من اخيك ممكن تبوح له باسرار لاتقدر انا تقولها لاخيك
ولو ان صديقك قام بعمل سىء ممكن تراجعه وتنصحه ولو انتوا اصدقاء بجد لاتتركه يمشى فى الطريق الغير
صحيح وحاول معه وللتتركه مهماكان السبب وفى شىء اخر لو ان الصداقه كويسه وانت راجل صالح فصديقه غصب عنه هيسير على نهجه لان المرء على دين خليله
وكل سنه وانتم طيبين بمناسبة المولد النبوى الشريف
هذا هو رأيى ولو حد عنده ملاحظه ممكن يوضحا

اناممكن اسيب صديقة فى حالة واحدة لو هى مبقتش تحبنى يعنى لو حسيت ولو لوهلة بسيطة ان انا مش فارقة معها هسيبها عالطول من غير تردد

احب اقولكم حاجة الصداقة دى حاجة عجيبة زي باقى العلاقات الانسانية كالحب والتسامح وما فى حد بيفضل ع حاله المهم ان الحياة مستمرة ع طريق صح
ومش مهم العلاقات الانسانية دى قوى انها تكون من زمن طويل المهم التفاهم والارتياح النفسى
وانك تكون مع خليلك اوخليلتك مش خايف من حاجة ومرتاح من غير زينة ولا كلام فاضى المهم انكم تكونوا شايفيين بعض صح وبرده مش لازم اوى ان يكون( خليلك وصاحبك )(خليلتك أو صاحبتك) زيك ولد او زييك بنت المهم الارتياح النفسى

بس ع فكرة لما يكونوا بنتين بتنفع اكتر ولما بيكونوا ولدين بتكون احسن للاتنين

والله انا راى ياجماعة ان صداقة العمر لو فعلا صداقة متينة وبقالها عمر يبقى استحالة حاجة تنهيها اما لو صداقة مش متينة فاكيد هتنتهى بسرعة

اكيد مفيش حد يقدر يسيب صديق له مرة واحدة يعنى فجأة كده
لكنها بالتدريج
انا ممكن ابعد عن صديقتى لو عملت حاج غلط جامدة جدا
وخصوصا من ناحية الاخلاق و السلوك

انا شايفة ان مادام دى صداقة العمر فانا لازم اكمل خصوصا ان كل واحد له عيوب ومتقدرش تلاقى حد من غير عيوب وكمان انا قبلت الصداقة دى من الاول بالرغم من العيوب اللى موجودة وزى ما صديقتى ليها عيوب انا كمان ليا عيوب وحكاية انى اتحمل عيوبها او لا؟؟ الحكاية دى اكيد حتأثر شويه بس ف الاخر دى صديقتى ولا زم اقبلها زى ما هيا بعيوبها الانسان مبيتجزأش وكل واحد زى مافيه حاجات حلوة اكيد فيه حاجات مش تمام وانا لو كان ليا صديقة مش قادرة اتحمل عيوبها فانا دايما حركز ع الجزء الجميل اللى عاجبنى فيها واحاول انى اساعدها انها تبقى احسن

فى سبب وحيدممكن يخللى الاصحاب يسيبوا بعض وهو الخيانة ... الخيانة يا جماعة وحشة اوى وبالذات فى الاسرار وانا بيتهيئلى ان مفيش حد يقدر يعيش من غير اصحاب والنسان زى مفيه حاجات حلوة فيه برده حاجات وحشة وانا لازم اتحمل اصحابى لان انا مش معصوم من الغلط اكيد انا كمان بغلط وهما بيتحملونى